蘿蔔糕 – 新手都整到！
臨近農曆新年，見到好多朋友都整蘿蔔糕，大家係咪都想試吓但又驚好難整？ 其實一啲都唔難，所有材料都容易買，新手都冇問題！
首先蘿蔔糕嘅英文一般叫做 Turnip Cake，不過有少少誤導成份， 因為白蘿蔔係叫 Daikon Radish (大根)，Turnip 其實係大頭菜，嚴格來講唔係蘿蔔。大家去買材料嘅時候要留意下。
材料：
- 白蘿蔔 Daikon Radish 1500g (二大支 )- 一般要去華人超級市場或者亞洲食品超級市場先會買得到。
2. 水（包括浸乾瑤柱水、浸蝦米水、蘿蔔水及熱水）600g
3. 粘米粉 Rice Flour 200g – 網上訂購或者華人超市。
4. 馬蹄粉 Water Chestnut Flour 100g – 網上訂購或者華人超市。
5. 適量乾瑤柱、蝦米、臘腸 / 臘肉、白芝麻（按個人喜好或需要加減）- 網上訂購或者華人超市。
如果想買靚嘅乾瑤柱海味可以睇吓呢二間 -> Treasure Hunt , 麵麵雜貨店
做法：
- 用水浸乾瑤柱，浸軟後撕成一絲絲（乾瑤柱水留用）。
- 用水浸蝦米，浸軟後可切小粒（浸蝦米水留用）。
- 臘腸蒸15-20分鐘，趁熱切小粒。
- 白蘿蔔刨皮（可刨深些，除去苦澀味），一半切成約1cm粗條，另一半刨絲。完成後大火蒸15-20分鐘，隔出蘿蔔水留用。
- 在器皿內倒入粘米粉及馬蹄粉，加入浸乾瑤柱水、浸蝦米水、蘿蔔水及熱水（共600g)拌勻成粉漿。
- 將乾瑤柱絲、蝦米粒及臘腸粒以中小火爆香備用。
- 以中小火煮熱蒸好的蘿蔔，在鑊中加入調味料：2湯匙油、1湯匙鹽、1/2茶匙糖、1/2茶匙麻油、少許胡椒粉 （粉漿煮好後，試味可再酌量加鹽），拌匀。
- 拌勻粉漿，分次加入鑊中，不停用力炒至粉漿「杰」身，然後加入乾瑤柱絲、蝦米粒及臘腸粒（*預留一些鋪面）炒勻。熄火後，可以加入少許油於糕漿中，令蘿蔔糕更香滑。
- 用少許油塗抹整個糕盤，倒入糕漿，用乾瑤柱絲、蝦米粒及臘腸粒鋪面。
- 中大火蒸一小時，用筷子或竹籤扎入蘿蔔糕中，抽出沒有白色粉漿即代表已熟。
- 炒香白芝麻，鋪在已蒸熟的蘿蔔糕上。
- 在室溫放涼後，用保鮮紙包好，再放入雪櫃儲存。
- 將蘿蔔糕切件，已中小火煮至兩邊金黃，就可以食喇！配上辣椒醬及茶，一流享受！😋😋
獅子山廣場係一個免費嘅平台。一個屬於英國香港同路人嘅平台！
嚟到英國有嘢想同人分享？有嘢想推介或提下人唔好中伏？想睇吓一啲貼地嘅生活資訊？想開創事業？自己做 Freelance？想搵香港人幫手？想搵食譜？ 想更加容易管理刊登資訊同書簽？想收到我哋最新資訊？ 歡迎註冊做獅子山廣場 Lion Rock Plaza 會員 ！香港人自助互助！
如果你覺得我哋嘅資訊有用，可以幫忙撳吓廣告，以維持本站運作，謝謝。
