紫薯圓
紫薯圓，好煙韌，好味！
我今次就加埋地瓜圓(都係自己整)同湯圓一齊食，大家鍾意加咩咩配料食都得，例如：涼粉、紅豆、煉奶、椰果等等都可以。 一般華人超級市場都有紫薯， 英國超級市場暫時發現得 Waitrose 有，仲要成日冇貨。
材料：
- 紫薯200g
- 木薯粉110g
- 白砂糖20g （可加可減）
- 熱水35g
做法：
- 將紫薯切成一片片，大火蒸25-30分鐘。
- 蒸熟後加入白砂糖，拌勻壓爛成蓉.
- 加入木薯粉，倒入熱水（視乎情況添加，不可太乾或太濕）拌勻混合，用手搓勻至無粉粒，包上保鮮紙，讓粉團靜止10分鐘.
- 將粉團切開一半，再分為四小份，其他的蓋上保鮮紙，防止吹乾.
- 在墊上鋪上少許木薯粉防黏，將粉團搓成長條形，切成小粒放入木薯粉中防黏.
- 全部切好後，將紫薯圓過篩，篩走多餘木薯粉就可以煮喇！未食的可以用保鮮袋裝好，放冰箱存放，可存放約2個月。
小貼士：
- 煮時紫薯圓不用解凍
- 煮時不停攪拌防黏
- 令紫薯圓更有煙韌有彈性，記住煮完要過冰水
如果你覺得我哋嘅資訊有用，可以幫忙撳吓廣告，以維持本站運作，謝謝。
