鹽焗海螺 Winkles
新鮮嘅海螺 (Winkles)，買返嚟仲識郁，超級市場一般都未必買到，今次我喺魚檔買。大家有時間可以去發掘下你附近嘅肉檔同魚檔，隨時有驚喜！基本上需要用粗鹽煮，但係因為冇預備今晚要整，所以唯有用咗幼鹽！大家買返嚟記住洗乾淨，用刷刷乾淨外殼，之後用鹽水浸最少兩小時！
紹興酒在西式超級市場有得賣，當然在華人超市也有。
煮法：
1.中火炒香粗鹽，大概5分鐘。
2.加入黑椒粒40g，蒜片100g用中小火再炒約3分鐘，然後剩起1/3。
3.將海螺的放入鍋中，鋪上剛剩起嘅1/3粗鹽，冚蓋焗10-12分鐘(視乎海螺大細)。
4.最後係煲蓋上淋2湯匙紹興酒，假設你個煲蓋可以俾啲紹興酒滲入去，再焗多1分鐘，就可以食喇！
如果你覺得我哋嘅資訊有用，可以幫忙撳吓廣告，以維持本站運作，謝謝。
