英國屋企韓燒冇難度
韓國燒烤絕對係港人其中最愛之一。 從前喺香港大部份時間都係出街韓燒，但係嚟到英國，食材新鮮又容易買，自己喺屋企韓燒絕對經濟同好味。
首先，你要有個爐，好多人鍾意用電平板燒烤爐，例如大受歡迎嘅 Bruno，但係我哋選擇咗韓國製造嘅燒烤盤。 燒烤盤係 Amazon 有得賣，價格大約 £50。我哋選擇咗韓國製造嘅燒烤盤，佢特別嘅地方係側邊可以整芝士粟米蛋，而且完全唔癡，非常容易清潔，仲有佢有去油孔，食到咁上下用廚房紙掃一掃就乾淨晒。
Amazon 連結：
Korean BBQ Egg Grill Pan for Induction, Nonstick Coating Aluminum Multi Pan
我哋特別買咗一個電磁爐專用嘅燒烤盤，因為打邊爐都係用電磁爐，唔想特登去買一個煤氣爐。 大家買嘅時候要留意吓你用邊種爐。 我哋都有試過用 Bruno， 不過比較起上嚟，Bruno 好容易黐住食物同埋燶，油煙都比較大，亦都冇去油孔。
食韓國燒烤，要是先準備好特別食材，韓國燒烤醬同埋泡菜！ 普通超級市場唔係隨便有得賣，大家可以準備定。華南行同韓國超市都有得賣，大家可以去睇睇。 大部份華人超市都有韓國食品，如果你住得近，可以即刻買得到。千祈唔好去Amazon買韓國燒烤醬，價錢貴一倍。
另外比較難買嘅係牛舌，暫時我哋只係搵到 Sodeli 有得賣，要網上訂購。
其他食材基本上普通超級市場有齊晒，尤其是豬腩肉，新鮮好味，價錢相宜。基本上完全唔使腌，少少鹽同胡椒，加埋燒烤醬，蒜頭，泡菜，包埋生菜，超正。其他醬料，例如喼汁，燒烤汁好多西式市場都有得賣，大家可以隨便配搭。
如果你覺得我哋嘅資訊有用，可以幫忙撳吓廣告，以維持本站運作，謝謝。
