Articles

UK living tips and recipe
英國迴旋處及詳盡路牌解說檔案下載

英國迴旋處及詳盡路牌解說檔案下載

英國周圍都係迴旋處,有大有細,好多唔係喺香港渣開車嘅朋友過嚟未必咁習慣。以下有少少心得同大家分享吓,先申報下我哋唔係專業駕駛師傅,只係一啲經驗分享,如有謬誤,歡迎指正。

開始分享之前,大家可以下載呢份 Department for Transport 嘅路牌解說檔案!可能好多朋友都係用香港車牌換英國車牌,雖然香港交通系統源自英國,但係兩個地方都有好多唔同,呢個檔案有晒所有路牌嘅解說,如果唔想俾人抄牌,絕對需要參考。

按此下載詳盡路牌解說檔案 >

英國其實都有道路使用者守則,比駕駛人士嘅叫做 The Highway Code,如果你想了解多啲英國道路系統,可以參考吓。 官方網站為:

Highway Code >

入正題,以下為 The Highway Code 對於迴旋處嘅圖解:

基本上係三個情況,藍色車直去 (12點方向),綠色車轉右(3點方向 ),橙色車轉左(9點方向)。

以上只係一個好基本嘅情況,大家有個概念跟着以下步驟做:

  1. 盡早選定行車線,有啲迴旋處可能有三至四條線,通常都會有路牌指示你轉左轉右直去,如果你喺迴旋處第一個出口出,就叫做轉左,如果你喺迴旋處12點方向或者之前出就係直去,如果你過咗12點方向出就係轉右。

  1. 睇路牌,睇地下畫線,因為迴旋處有不同種類,一定要睇清楚路牌同埋地下或線,跟住條線行。
迴旋處路牌及轉向指示
地下畫線指示
  1. 打燈,第一個出口出(橙色車)打左燈,直去(藍色車)入迴旋處唔需要打燈,直至到你出迴旋處先打左燈。 轉右(綠色車)方向打右燈,到你出迴旋處嘅時候打左燈。
  1. 減速,絕對需要讓右邊車輛先行。

  1. 入迴旋處絕對唔可以胡亂轉線,你要當自己行緊條直路, 保持喺自己條行車線。如果需要轉線,例如出迴旋處,絕對需要檢查清楚隔離線有冇車同埋一定要打燈! 以下就係一個好好嘅例子:
https://www.principia-law.co.uk/road-collision.aspx
https://www.principia-law.co.uk/road-collision.aspx
  1. 如果你想出迴旋處但係左邊有車你轉唔到線,咁你就行多個圈保障安全!

  1. 而家有好多英國嘅迴旋處都係螺旋式,如果迴旋處出口有兩條線,你就跟地下條線行,千祈唔好做外圈人 (藍色路線), 例如下邊嗰幅圖:
https://alfiesdrivingschool.com/

  1. 絕對需要多望左右鏡,因為英國有好多單車,或者有人騎馬!

  1. 如果你行錯路,唔好驚慌,繼續安全地向前行,搵個安全地方停車,睇地圖再行返轉頭!

英國迴旋處千變萬化,就咁簡單幾句好難講晒所有例子,以下有一條好詳細嘅影片,係由一位英國教車師傅解釋不同情況,非常清晰及有參考價值,佢嘅英文亦都非常容易聽,絕對值得花時間睇一睇!

睇完上面嗰條如果你都仲想了解多啲,以下呢一個係官方 High Way Code 有關迴旋處嘅討論網頁,裏面都有一條片值得參考:

Highway Code Comment >

想收到我哋最新資訊?有嘢想刊登?想更加容易管理你嘅評語同埋書簽?歡迎註冊做我哋會員,完全免費!

以上圖片來自各相關網站,網址已經在圖片下列明。

如果你覺得我哋嘅資訊有用,可以幫忙撳吓廣告,以維持本站運作,謝謝。

Related Posts

Leave a Reply

Your email address will not be published. Required fields are marked *