生煎包
生煎包
雖然包得唔係好靚，不過個底好脆，包內鎖咗住肉汁，好味道！
做法：（16個）
- 用 120g 暖水，加入 3g 乾酵母 (Dry yeast)，1/2tbs 糖，拌勻靜止10分鐘。
2. 200g 中筋麵粉 (Plain flour)，加入1/3tbs鹽，拌勻。麵粉中間開一個窿，倒入酵母水，由內而外拌勻至慢慢成麵糰
3. 在墊上鋪上少許中筋麵粉，倒出麵糰用手搓大約5-6分鐘至無粉粒，表面光滑
4. 放入器皿內，包上保鮮紙，放在暖的地方30-40分鐘，進行發酵
5. 免治豬肉300g，放入1tsp蒜蓉、5g薑蓉、鹽1tsp、糖1tsp、豉油1tbs、米洒 ( Rice wine) 1tbs、胡椒粉1tsp，拌勻
6. 60g水倒入豬肉中，順時針拌勻（水分三次落）
7. 豬肉吸收水份後，加入 1tsp 粟粉 (Corn flour)，不停拌勻至有黏性。加上保鮮紙，放入雪櫃雪20分鐘
8. 麵糰發酵後，鋪上少許中筋麵粉 （Plain flour），用手按壓排氣。在墊上鋪上中筋麵粉，將麵糰搓成長條，平均切成16 小份。
9. 用手掌心將小麵糰壓成圓形，用麵棍順時針按壓邊位（可以鋪上中筋麵粉防黏）。
10. 在皮上放1tbs免治豬肉，用食指向左邊推，然後摺埋推入，摺口位會越來越細，最後將封口位壓實。
11. 開中火，倒入油並在鑊內搖勻，放入生煎包（摺疊位向下），面上鋪上芝麻。
12. 加110ml水，蓋上鑊蓋，小火煎7-8分鐘至水份完全蒸發，灑上蔥花就可以食喇！
如果你覺得我哋嘅資訊有用，可以幫忙撳吓廣告，以維持本站運作，謝謝。
