華人超市大集合！
英國有好多華人超市，售賣中式食品食材，好多老字號都係由香港人開，開咗幾十年，由南部嘅倫敦一路上到蘇格蘭愛丁堡都有。因為疫情關係，網上訂購十分受歡迎，好多本來只有實體店舖的超市都開始網上商店。我哋整理左一啲比較多人認識嘅華人超市，大家可以參考吓，如果你有幫襯過，十分歡迎你比下意見，寫下評語！
《有實體店舖及網上店舖的華人超市》
榮業行 Wing Yip – 倫敦，伯明翰，曼徹斯特
榮業行，係英國最大嘅中式超市，裏面有酒樓，又有新鮮嘅海鮮。基本上所有中式嘅貨物都可以買得到。佢有幾間分店，主要係倫敦，伯明翰，曼徹斯特。
有網上商店，但暫時維修中。
偉義行 Wai Yee Hong – 布里斯托
偉義行是位於 Bristol 的家族經營華人超市。
有網上商店，可以送全英國，£35 起可以送貨，沒有免運費。
志業行 Chi Yip – 曼徹斯特
志業行喺曼徹斯特嘅中式超市集團，旗下有超級市場，網上購物 (Hello Oriental) 以及中式酒樓。
有送貨服務，沒有免運費。
和興 Hoo Hing – 倫敦
和興 Hoo Hing 為老字號華人超市，有自己送貨隊，有四間分店，主要位於倫敦.
有網上商店，在超市範圍五英里內免費送貨，其他地方需要送貨費。
游記 Yau Brothers – 南安普敦
游記 Yau Brothers 由香港人創立，位於南安普敦，有網上商店，購物滿£60免費送貨，冷藏送貨費附加£5。
泗和行 See Woo – 倫敦，格拉斯哥
泗和行，主要有三間分店，兼且做批發及出口到歐洲各地，亦有自己的品牌 WAY ON。 泗和行創立於1975年，是首間引入新鮮海鮮的華人超市。倫敦唐人街分店網站有網上訂購送貨服務， 最低消費£45磅，倫敦地區滿£80免費送貨，其他地區需要有運費。
《只有實體店舖的華人超市》
龍鳳行 Loon Fung – 倫敦
老字號中式超市，在倫敦擁有多間分店.
沒有網上商店。
萬富行 Matthew’s Foods – 蘇格蘭
蘇格蘭地區最大嘅華人超級市場， 總共有六間分店，其中有啲分店仲有中式酒樓，飲茶食點心冇問題！沒有網上商店。
泗和全記 Seewoo Reading – 雷丁
位於雷丁的大型華人超市， 沒有網上商店，應該跟另一間泗和是不同公司。 貨品種類齊全，中式為多，日式韓式都有一點。
《只有網上店舖的華人超市》
華南行 Wa Na Hong
只有網上商店，沒有實體商店， 購物滿£50免運費。
貨品種類繁多，香港人經營，絕對迎合香港人口味！
《得咁少？》
其實英國點止咁少華人超市，仲有大量嘅華人超市係你左近！ 歡迎大家貼上來，大家一齊傾吓講吓！
如果你覺得我哋嘅資訊有用，可以幫忙撳吓廣告，以維持本站運作，謝謝。
關小姐
2023-01-20 at 2:10 pm我個仔在Canterbury 讀書，可以免費送貨嗎？
獅子山廣場 Lion Rock Plaza
2023-01-30 at 2:17 pm唔知你想問邊間？你可能要入去個別嘅商舖打電話問吓，感謝。