日本食材：壽司，魚生，和牛，清酒，英國通通有得買！
係咪好掛住日本嘢食？ 我哋都係！ 嚟到英國，第一時間搵吓有乜嘢日本嘢食。日本人對英國文化有一種情意結，所以有好多日本人定居英國，有好多不同嘅日本食材店舖都係由日本人經營。 除咗實體店舖，近年亦多咗大型嘅網上商店售賣日本食材，通常由批發公司經營，所以價錢比較實惠，品種亦十分多。其中一啲英國人開設嘅網上商店，連雪場蟹都有得賣，和牛更加係多選擇！
集合我哋幾個成員嘅經驗，我哋搵咗一啲值得推薦嘅舖頭俾大家！刺身等級嘅魚，整不同壽司嘅材料，日本餃子，不同等級嘅和牛，燒玉子，蒲燒鰻魚，真正日本清酒（絕對唔好浪費金錢喺華人超市或者西式超級市場買！）。以下舖頭仲有不同嘅日本零食，甚至乎有日本雜誌，有啲直頭係針對本地日本人開嘅，入去裏邊價錢牌係冇英文的！
有實體店亦有網上商店的店舖：
Japan Centre
倫敦最老字號的日本超級市場，有日本人開設，有另二間分店在 Westfield Lodon 及 Westfield Stratford City。價錢不算便宜，但是貨品種類非常地道，雜誌書本也有。 集團除了三間超市之外，旗下亦有拉麵店及Mochi Bar，
有網上商店， £65起免運費。
Japan Centre Ichiba
位於 Westfield London 商場裏面，Japan Centre Ichiba 有好多日本嘢賣，有外賣壽司刺身，同時亦都有一個小型日本餐廳，有拉麵之類嘅嘢食，味道都唔錯，價錢亦都唔太貴。呢間舖頭係倫敦唐人街附近 Japan Centre 嘅姊妹鋪，日本人開。官方網頁亦都有網上商店。
T. K. Trading
T. K. Trading 係一間由日本人開嘅日本超市，有好多由日本運到嘅食材，對象嘅顧客以日本人為主，入到去好多標語廣告牌都只係得日文。如果你想搵日本製造嘅食材，呢度實在係一個好選擇。
T. K. Trading 得一間店舖，有網上商店， 購物滿70磅以上有免費送貨，冷凍食物需要額外加錢。
Rice Wine Shop
喺倫敦蘇豪區嘅一間日本小商店，已經開業20年，有網上商店，只係得日文。有全國送貨服務， 要收費。
睇個名都知，特色係賣米同酒，可以買到正宗日本米同埋日本酒。
Natural Natural
Natural Natural 位於倫敦 Ealing，不少日本人在此聚居，Natural Natural 就係一間非常之地道嘅日本雜貨店。 除咗日本食材之外，亦有新鮮魚生售賣。Natural Natural 另外有一間分店位於 Finchely，比較近倫敦市中心。
他們亦設有網上商店，貨品種類十分齊全，連日本麵粉都有，購物滿£50以上免運費，可送全英國。 網上商店仲可以儲分。
Atariya
Atariya Foods 係一個飲食集團，有實體店舖，網上店舖，餐廳，批發。實體店舖總共有五間， 主要售賣日式食材，雜貨，壽司，魚生等等。 某些店舖仲有壽司吧，可以坐低食 。
有網上商店， 購物滿£50以上免運費。 留意 Atariya 網上商店比較少魚生選擇， 主要售賣其他食材雜貨。如果購買魚生，要去同集團另一間網上商店，Freshest Fish。
H Mart
雖然呢間係韓國超市，但係都有魚生賣。
英國最大嘅韓國超市，裏面亦都有中式食物，有新鮮游水海鮮，仲有 K-Pop 嘢賣！ H Mart 在美國起家，現時在加拿大及英國均有商店。
有網上商店，購物滿60磅免費送貨， 冷藏食物要額外收費。
只有網上商店嘅日本食材網站：
Sodeli
Sodeli 係一間大型嘅日本食品入口公司，網上商店包羅萬有，魚生， 海鮮，和牛， 日本小食，日本刀，日本清酒式式俱備，我哋都成日幫襯，最特別佢係可以買到牛舌，用嚟打邊爐或者燒烤都可以。 送貨 £70 以上免運費。
The Fish Society
The Fish Society 主打海鮮，魚生，龍蝦等等高級食材食材，種類十分齊全，仲有啲特別嘅魚生，例如鱸魚，多寶魚等等。£40 以上免運費。
佢哋嘅網站同埋YouTube Channel仲有好多魚類知識同埋食譜可以睇，唔買都可以去睇吓！
Fine Food Specialist
Find Food Specialist 係英國嘅高級食材網上商店， 魚生，黑松露，魚子醬， 鵝肝醬，和牛，USDA 牛（呢個真係比較少地方有得賣）通通都可以買得到。
沒有免費送貨。 可送全英國，偏遠地方送貨費比較貴。
Meat Me At Home
Meat Me At Home 專門售賣高級肉類，不同品種嘅牛肉都有售賣。 比較特別係佢有專門比日本火鍋同埋燒烤用嘅肉類賣，係暫時唯一見過有黑豚肉火鍋片嘅網上商店。 最最最特別係有乳豬賣！
購物滿£50平日免費送貨，購物滿£80可以選擇星期六免費送貨。
Freshest Fish
Freshest Fish 為 Atariya Foods 集團旗下嘅網上魚生專賣店，以 T & S Enterprises 的公司名經營。 基本上佢係日本食品批發商，佢嘅食品批發到好多唔同嘅日本餐廳，除咗魚生之外， 連和牛都有。
購物滿£75以上免費全國送貨。
WASO
WASO網上日式美食外賣+超巿(www.waso.tokyo)，地道正宗日本菜由米芝蓮星級廚師樋渡秀幹主理，日式超巿有最低價格保證。即食又得，自己煮都得！
全英國送貨，倫敦地區嘅朋友買滿£25，或者英國其他地區嘅朋友買滿£45就免運費。
第一次到WASO消費，憑promo code: WASOAU1202，就可以享有85折優惠！快啲嚟睇下有咩餐啱食同入貨啦！
當然，全英國仲有好多買到日本嘢嘅地方，但以上都係我哋親身試過覺得質素唔錯推薦俾大家！如果大家有好嘅推薦不妨貼上來獅子山廣場，大家一齊分享吓！
如果你都有幫襯過以上嘅舖頭，可以入去詳細資料留言，比下星星，你嘅意見一定會幫到香港人！
想收到我哋最新資訊？有嘢想刊登？想更加容易管理你嘅評語同埋書簽？歡迎註冊做我哋會員，完全免費！
如果你覺得我哋嘅資訊有用，可以幫忙撳吓廣告，以維持本站運作，謝謝。
以上圖片全部來自各店舖官方Facebook。
