英國四大電訊商，點樣揀？
今日獅子山廣場 Lion Rock Plaza 同你睇吓英國四大電訊商！英國有好多公司提供手提電話服務，但係其實全部都係來自四大網絡：
Three：http://www.three.co.uk/
Vodafone：https://www.vodafone.co.uk/
其他的公司都係歸類為虛擬行動網絡服務經營者 (Mobile virtual network operator，MVNO)。 例如香港嘅 Sun Mobile 同以前嘅 123 其實都係用緊 CSL 網絡。
比較出名嘅 MVNO 如下：
使用 EE 網絡：ASDA Mobile, BT Mobile, Plusnet, Virgin Mobile 同 HMD Mobile。
使用 O2 網絡：Giffgaff, Tesco Mobile 同 Sky Mobile。
使用 Three 網絡：iD Mobile 同 SMARTY。
使用 Vodafone 網絡： Talk Mobile 同 VOXI 。
以上台人數嚟計，EE 最多， 跟住到 O2，之後 Vodafone， 最後係 Three。 一般網站都會話 EE 網絡係比較好，但係老實講就好睇地區。 EE 自稱連續七年係英國最佳網絡，大家可以去佢網站度睇睇。
https://ee.co.uk/why-ee/claims
基本上所有嘅上台出機操作都同香港電訊商一樣，比較特別嘅係通常都會有免簽約嘅 Pay as you go。 月費上台通常比 Pay as you go Sim 貴少少，但係就會多通話分鐘同埋一啲增值服務，例如 Apple Music，Spotify。比較香港月費，英國月費稍為貴少少，但係又唔算貴好多，一般都會有增值服務包埋。以下為 Vodafone 的月費計劃。
建議大家嚟到英國，可以選擇一啲冇合約嘅計劃，即是 Pay as you go Sim， 或者叫 Prepaid Sim。 試吓邊個台係你個地區比較好，有需要先至簽長約。喺英國就算你用 Pay as you go Sim 都可以帶 Number 過台， 通常一兩個工作天就得。Pay as you go Sim 好多超級市場書店都有得賣，如果你好急住用，可以落機就去買，WH Smith，自動售賣機，We Know London tourist info，Sim Local 都有得賣，用信用卡俾錢就可以開通號碼。 以下為 Vodafone 的 Pay as you go 計劃。
簽長約，通常可以以特價買手機，同香港一樣， iPhone，Android 都會有優惠，不過都要自己計吓數。 以下為 Vodafone 的出機上台計劃。
一般大家可以去各大電訊商嘅網站比較價錢， 如果想一次過比較晒所有價錢，英國有好多比較網站，以下為其中一個：
經過我哋同事測試，幾個不同電訊商，似乎 EE 係收得最好同埋最快。 以下呢個網址可以check到所有網絡供應商嘅覆蓋， 係一個獨立嘅機構，連政府網站都係叫市民去呢個網站查。 只要打個 Post Code，就可以睇到所有供應商嘅覆蓋情況，仲有室內同埋室外揀。不過我哋睇過，可能有時資料未必係最update，佢話收得唔好嘅地方，可能其實收得好。所以最好都係自己親身試吓最好。
最後一提，如果你申請某啲家居寬頻上網，可能佢會有啲計劃係包埋手提電話 Sim， 例如 Virgin Media 某啲光纖上網計劃係會包左一張有 5GB 數據嘅SIM卡，仲係用 EE 網絡，收得唔錯。 不過 Virgin Media 剛剛同 O2 合併左，之後仲會唔會係用 EE 就好難講。
我哋網站有四大電訊商嘅資訊，大家如果對電訊商有任何意見想討論，可以到以下連結留言。 想即時收到我哋最新資訊，或者留言，或者新增任何資訊，請立即註冊！
如果想分享我哋嘅文章去Facebook，Twitter 或者 Pinterest， 可以用下面 D 分享 icon。
歡迎轉貼獅子山廣場 Lion Rock Plaza 內容，但請註明出處及附上連結，謝謝！
如果你覺得我哋嘅資訊有用，可以幫忙撳吓廣告，以維持本站運作，謝謝。
