資訊分享文章

移英資訊及食譜
點樣搵落腳點?

點樣搵落腳點?

相信好多移民英國嘅香港人第一個面對嘅問題就係搵邊度落腳。 我哋獅子山廣場 Lion Rock Plaza 同樣面對相同問題,下邊有幾個網站值得參考吓。

首先第一個係 Consumer Data Research Centre 嘅地圖資料,佢啲資料來源係英國政府嘅人口統計資料。地圖嘅資料十分完善,基本上一入到去係匱乏指數,即係嗰度啲人富有貧窮嘅程度,綠色越多, 代表啲人匱乏嘅程度越小。

以上面幅圖為例,大家會見到經濟比較差嘅人通常聚居係邊個區域,綠色代表經濟能力比較好嘅人。

除此之外,裏面有好多指數可以選擇,例如不同嘅人種,酒吧嘅數目, 出生地等等。 用呢個網站,大致上都可以知道邊區注重有乜嘢人,同埋個財經狀況。

跟住就可以去 https://www.streetcheck.co.uk/ 睇吓周邊嘅情況,包括罪案率, 樓價等等。 可以打入Post Code 就睇到。

如果比較着重安全,就去埋警察局網站睇吓詳細嘅犯罪資料,同埋可以比較其他城市嘅犯罪指數。

https://www.police.uk/

學校方面,呢個網站一定要去: https://www.locrating.com

佢有免費服務同埋收費服務,就算免費服務都已經好多嘢睇,收費服務價錢 一個月£8,搵完學校之後可以取消返。 不過而家周圍學位都好緊張,尤其是插班生,最好直接聯絡學校同埋當地 Council。

睇完呢幾個網站,應該大概都知道你嗰區嘅情況,而網上移民英國嘅資訊十分多,大家亦都可以按需要參考。

我哋網站有一啲落腳點嘅資訊,大家如果對某個落腳點有任何意見想討論,可以到以下連結留言。

Bristol

Solihull

Edinburgh

Reading

Oxford

Birmingham

Manchester

London

嚟到英國想開創事業?自己做 Freelance?有嘢想同人分享?有嘢想推介或提下人唔好中伏?想搵香港人幫手?想睇吓一啲貼地嘅生活資訊?想搵食譜?想收到我哋最新資訊?想更加容易管理你嘅評語同埋書簽?歡迎註冊做獅子山廣場 Lion Rock Plaza 會員 !自助互助!

如果想分享我哋嘅文章去Facebook,Twitter 或者 Pinterest,可以用下面 D 分享 icon。

歡迎轉貼獅子山廣場 Lion Rock Plaza 內容,但請註明出處及附上連結,謝謝!

如果你覺得我哋嘅資訊有用,可以幫忙撳吓廣告,以維持本站運作,謝謝。

相關文章

發佈留言

發佈留言必須填寫的電子郵件地址不會公開。 必填欄位標示為 *