資訊分享文章

移英資訊及食譜
英國買車 – 不同種類點樣分?邊種適合你?

英國買車 – 不同種類點樣分?邊種適合你?

ICE, Petrol, Diesel, BEV, PHEV, HEV, MHEV, FCEV 究竟點樣分?汽車行業正處喺新舊動力交替時間,不同種類動力嘅車五花八門,有時都幾難分。以下同你簡單介紹吓!

傳統 Internal combustion engine (ICE)- 內燃機 – 引擎

用咗成成百幾年嘅動力方式 – 引擎。利用燃燒燃油產生動力嘅汽車。現有種類分為油渣 Diesel 及電油 Petrol。

Petrol 電油車好處:懸浮粒子污染比較少,油費比較低 (以英國計算),引擎積碳比較少,引擎比較寧靜, 引擎轉數比較高,馬力比較大,速度比較快。 同一架車,通常電油版本會比柴油平少少。

Petrol 電油車壞處:比較食油,同樣路程柴油車會比較慳油。 另外電油車 CO2 排放比柴油車多,間接 Road Tax 亦會比較貴。

Diesel 柴油車好處:引擎低轉比較大力,適合越野及運載重物。耗油量比較低。CO2 排放比較低。

Diesel 柴油車壞處:車價比較貴,油價格比較貴。如果經常只開短途,柴油碳微粒過濾器 – Diesel Particulate Filter 經常達唔到工作溫度,引擎容易出毛病。

如果駕駛需要通常係短途接送,超級市場購物,電油車會比較係好選擇。如果需要長途駕駛,運載式拖重物,油渣車可能會比較適合。

https://www.spinny.com/blog/index.php/petrol-vs-diesel-performance-compared/

半電動車 – Hybrid

Hybrid Electric Vehicle HEV – 混合動力 – 油電混合動力

最早出現嘅混合動力車種,由豐田發揚光大。原理係喺普通引擎車上面加入電池及摩打,制動時及行駛時為電池進行充電,提供額外動力,達致省油目的。Toyota Prius 就係呢類汽車嘅代表作,大家好多時見到 Uber 都係用 Prius 就知道幾受歡迎。

HEV 好處:加入電池及摩打,能夠節省汽油。

HEV 壞處: 電池會老化,大約100,000公里左右需要更換電池,增加擁有成本。 以往更換電池一定需要回原廠,價錢比較貴,現時已經有副廠電池,價錢相對便宜。汽車有引擎,維修保養成本與傳統汽車一樣。

Mild Hybrid Electric Vehicles – MHEV

由於有新品種混合動力車出現,有時廠商會將擁有細容積電池的油電混合動力車稱為 Mild Hybrid Electric Vehicles – MHEV,實際上是 HEV 的其中一種。

Plugin Hybrid – PHEV – 插電式混合動力

隨着電動車普及,不少住宅設有汽車充電插座,各大車廠紛紛發展 Plugin Hybrid – PHEV – 插電式混合動力,跟普通 HEV 一樣,汽車有引擎及電池,加上外接充電功能,可以為電池獨立充電,增加行車里數。

PHEV 好處:加入更大容量電池,可以選擇純電動駕駛,污染更加少。 如果平時行車里數比較少,不足以為電池充滿電,可以選擇用外接形式為電池叉電。

PHEV 壞處:跟 HEV 一樣電池會老化,大約100,000公里左右需要更換電池,增加擁有成本。 純電動駕駛模式里程有限,一般為 20-40 英里,其他時間需要依靠引擎。


純電池電動車 – Battery Electric Vehicle – BEV

對於此類汽車,大家一定不陌生,最知名品牌為 Tesla 。 隨着不同國家先後推出未來禁止出售燃油汽車政策,各大車廠近幾年均努力開發此類汽車。

BEV 好處: 純電力,不計算產生電力時的污染,絕對是零污染。沒有引擎,省卻眾多保養成本。擁有成本比內燃機引擎汽車便宜。

BEV 壞處: 一般續航里程比引擎車少,充電需時,如果使用一般家庭充電,需要數小時才可充滿電池。電池隨着時間老化,續航里數會逐漸減少,更換電池成本比較高。


燃料電池電動車 – Fuel Cell Electric Vehicle – FCEV

市面上不多的車種,燃料電池通常以高壓氫氣加上空氣中的氧氣發電。 以下為 Toyota 的 Mirai Fuel Cell EV。

FCEV 好處: 純電力,零污染。沒有引擎,省卻眾多保養成本。不需充電,補充高壓氫氣跟入油差不多,只需數分鐘完成。

FCEV 壞處: 製造高壓氫氣過程能源損耗比純電動車多,100 Watts 成本只能產生 38 Watts 動力, 純電動車 100 Watts 成本能產生 80 Watts 動力。儲存高壓氫氣需要較大體積的容器,佔用大量車身空間,車身會比較重。此類汽車售價一般比較貴。

希望以上嘅資訊幫到大家選擇適合嘅車種!

以上圖片來自各大車廠官方網頁。


獅子山廣場網上市集商店營業中! 立即睇睇 ->


想第一時間收到最新資訊?記得 like 同 follow 獅子山廣場 Facebook, IG, YouTube!

獅子山廣場係一個免費嘅平台。一個屬於英國香港同路人嘅平台!香港人自助互助!

👍獨家一手實用移民英國資訊:

https://lionrockplaza.com/blog

👍英國食譜分享:

https://lionrockplaza.com/category/recipe/

👍免費張貼任何資訊,廣告,餐廳,二手買賣,樓宇出租等:

https://lionrockplaza.com

👍網上市集,零成本開舖,專人支援!自己開舖。我哋有日本零食,海味乾貨, 正體中文圖書,模型,Game:

https://lionrockplaza.com/market

👍提供網頁製作,影片後期製作服務。

https://lionrockplaza.com/service

如果你覺得我哋嘅資訊有用,可以幫忙撳吓廣告,以維持本站運作,謝謝。

相關文章

發佈留言

發佈留言必須填寫的電子郵件地址不會公開。 必填欄位標示為 *