寄嘢返香港價錢比較及報關詳細教學
當然唔係淨係香港，寄去任何地方都一樣。英國皇家郵政 Royal Mail 有提供一般空郵及速遞服務，佢旗下有另一間子公司叫做 Parcel Force，專門做速遞，如果既超過 20 kg 嘅嘢就要搵 Parcel Force。
除咗以上兩間政府機構外，市面上當然仲有好多貨運公司，為大家介紹一個好用嘅比較價格網站 Parcel Monkey。市面上其實仲有其他呢一類型網站，不過我哋比較過 Parcel Monkey 應該比較平。我哋試過用幾次都幾滿意，Parcel Monkey 會列出幾間不同公司嘅價錢，包括 Royal Mail 同 Parcel Force， 一目了然，大家可以按需要選擇不同收費嘅服務。最重要就係報關嘅程序，大家睇落去就會見到要點樣報關！
寄嘢之前，首先睇吓你要寄嘅嘢落唔能夠出口 >
以下用小包裹做例子，20cm x 20cm x 10cm，重 1 kg。
入晒資料，就會得出以下結果：
佢會列出不同公司嘅收費同埋派送時間，不過喺度提吓大家，我哋每次都係選擇 dpd，可惜冇一次係準時的，我哋選擇 2 至 3 日派送， 通常大約 7 日收到。唔知道係咪因為中間有星期六日。如果大家有又平又快又準時嘅供應商建議，歡迎係下面留言，等大家都知道。 雖然時間可能會長啲，但係每次都收到，同埋可以網上check到。
係你選擇嘅時候要留意究竟你係要自己去放低件包裹定抑話佢會上門收。我哋試過去 Royal Mail 放低，有試過去超級市場放低，亦都有試過去一啲便利店放低，都冇乜大問題。
選擇左服務之後就當然係入詳細資料：
跟住下面佢會問你買唔買保險，咁大家因應自己情況睇吓買唔買。 請留意要如實填寫你包裹裏面嘅內容，價值就自行決定，佢會因應你嘅內容同埋價值比出保險嘅價錢。
跟住最重要嗰部份，就係你要填報關表：
我假設大家都係私人寄，所以第一項文件你就會選擇 Pro-formal Invoice。正常就選擇返 Gifts。然之後 Sender 同 Recipient 選擇返 Private individual。如果你間公司就會有更加多資料需要提供。
跟住到物件詳細資料，呢部份係好重要，如果唔係你嘅包裹可能會俾海關扣留，打返轉頭。最麻煩係要搵嗰個 HS Code。 每個國家對出口嘅物品都有限制，每樣物品都有自己嘅 HS Code。我以下用一件棉質 T 恤做例子。我哋要去英國政府 Trade Tariff 網站搵吓究竟棉質 T 恤嘅 HS Code 係乜嘢。
輸入 T shirt 就會得到以下結果：
再選擇棉質就會有以下結果：
棉質 T 恤嘅 HS Code 就係頭八位數字 ：6109 1000
有啲物品比較難搵，可以參考英國政府嘅詳細教學。
一個包裹裏面有10樣不同嘅物品，你就要做10次相同嘅嘢，要詳細列明，仲要列明埋價值。 都幾多功夫，不過好過俾海關彈返轉頭。
入好晒資料比完錢之後，等一陣你就會收到電子郵件，需要列印標籤同埋海關文件出嚟：
標籤貼喺包裹上面，海關文件要搵信封裝住貼上去，唔可以直接貼喺包裹上面。
搞掂晒之後就可以放低你嘅包裹，因應你嘅服務，你放低嘅地方可能有所不同，通常佢電子郵件都會教你去邊度搵。
放低咗之後你就可以上網追蹤你嘅包裹，除咗本身 Parcel Monkey 之外，你亦都可以去承運你包裹間公司查詢，通常都會比較詳細。
今年聖誕節寄返香港已經截郵，當然你可以照寄，只不過唔會保證聖誕節前收到。如果下年想既聖誕禮物，記住早啲！
嚟到英國想開創事業？自己做 Freelance？有嘢想同人分享？有嘢想推介或提下人唔好中伏？想搵香港人幫手？想睇吓一啲貼地嘅生活資訊？想搵食譜？想收到我哋最新資訊？想更加容易管理你嘅評語同埋書簽？ 歡迎註冊做獅子山廣場 Lion Rock Plaza 會員 ！自助互助！
如果你覺得我哋嘅資訊有用，可以幫忙撳吓廣告，以維持本站運作，謝謝。
