英國最危險停車場
出去玩，泊車一定要避免 NCP！呢個真係要開名，呢間公司係英國最大嘅停車場公司，但係佢嘅評價認真麻麻地，係 Trustpilot 只有一分！
前後泊過幾次佢哋停車場，好彩冇意外發生，以下兩位朋友就冇咁好彩，佢個系統同保安實在好有問題！
佢九成停車場係冇入閘機，你可以直接駛架車入去， 登記佢個 APP 入車牌俾錢，如果佢有售票機的話，可以喺機度俾錢，列印收據放喺車頭。
以下為真人真事：
- 事主 A 先生：有一次喺機度俾錢，幾個月之後寄信嚟話冇俾錢，跟住罰款£100。好彩 A 先生有留低收據，但係上訴好麻煩，只能夠寄信去佢公司。喺等候回覆上訴期間，收到追數公司 £160 罰款單，原來泊車公司話佢遲交罰款，將佢嘅個案轉交左追數公司處理！前後來回同泊車公司及追數公司糾纏幾個月，最終先至可以取消返。
- 經過呢件事件之後，A 先生上網搜尋呢間公司資料，實在有太多同類個案，甚至乎有網站專門討論呢啲濫收費用事件，NCP 絕對係最多人討論嘅停車場公司！可想而之呢間公司濫收費用係幾咁嚴重。
- 香港人牛津居民： 入倫敦 NCP Cadogan Place 停車場俾人爆玻璃偷嘢，最特別係入車嘅時候個職員已經同佢講唔好放任何野喺架車尾箱度，成件事情好可疑。
深入調查一下，佢幾乎係全英國罪案率最高嘅停車場，位於倫敦中心，Bristol，Birmingham， 都係重災區。 以下係英國網站嘅統計：
最嚴重嘅 Convent Garden 一年總共有368單，即係每日總有一單！ 頭20位裏面 NCP 佔咗18位，睇返 Google Review，實在有太多爆玻璃偷竊事件！ 以下圖片來自 Google Review。
留意到佢哋停車場有以下問題：
- 某些停車場狹窄，幽暗，有異味。
- 幾乎見唔到有職員。
- 人流稀少。
- 沒有入閘出閘機，但係有24小時錄影及車牌辨識系統，主要用嚟記錄車輛有否交費。
- 停車場內除咗出入口之外，其他地方比較少閉路電視。
- 經常發生盜竊案。
想避免以上情況，基本嘢當然要做足，例如唔好留任何貴重物品係車裏邊，就算唔貴重嘅都唔好放喺俾人見到嘅位置，最好架車乜嘢都冇，因為賊人唔知道裏便啲嘢貴唔貴重，見到有嘢就會有機會俾人爆玻璃。
選擇人流眾多，安全嘅停車場。 一啲大商場，超級市場嘅停車場，有保安員嘅停車場就會係好好嘅選擇。 避免唔需要入閘機嘅停車場，有晒收據出入紀錄，咁就穩陣啲。
入倫敦，泊喺外圍係一個好選擇，我哋有介紹理想泊車位置：
希望大家唔會遇到以上事件！
嚟到英國想開創事業？自己做 Freelance？有嘢想同人分享？有嘢想推介或提下人唔好中伏？想搵香港人幫手？想睇吓一啲貼地嘅生活資訊？想搵食譜？想收到我哋最新資訊？想更加容易管理你嘅評語同埋書簽？ 歡迎註冊做獅子山廣場 Lion Rock Plaza 會員 ！自助互助！
如果你覺得我哋嘅資訊有用，可以幫忙撳吓廣告，以維持本站運作，謝謝。
