位於雷丁大型商場 Oracle 嘅日本餐廳，係英國來講已經算係非常唔錯，價錢亦都合理。壽司，刺身，拉麵都有。 成日都會見到有人排隊，因為暫時冇得book位，想食就要早啲去排隊。 大部份嘢食都好味，係刺身選擇比較少，但係比較特別係有蕎麥麵。 同埋佢有提供 Kirin Ichiban 生啤同獺祭清酒。
餐牌價錢：
https://www.osakarestaurants.co.uk/menu-1
呢間餐廳只係得一間， 暫時未有其他分店。 如果你住喺附近，揸車過嚟最方便， Oracle 有兩個大型停車場，收費亦合理。
如果你都有幫襯過，可以喺下邊留言，比下星星，你嘅意見一定會幫到香港人！ 你附近有冇好餐廳推介？ 十分歡迎你放上來，大家一齊傾吓講吓！
想收到我哋最新資訊？有嘢想刊登？想更加容易管理你嘅評語同埋書簽？歡迎註冊做我哋會員，完全免費！
圖片來自官方 Facebook。
Categories
Features
Regions
Video
Location
Similar Listings
Review (1)
Add Review
Leave a Reply
You must be logged in to post a comment.
Hosted by Lion Rock
獅子山廣場
獅子山廣場 特派專員
2021-10-11 at 11:31 am已經幫襯過好多次，喺雷丁來講，呢間日本餐廳應該係質素比較好的。
一坐低通常佢會問你要唔要 Rice cracker，好食，有原味同埋黑芝麻味，俾埋辣醬俾你。
佢提供壽司，卷物，拉麵， 烏冬，蕎麥麵， 天婦羅， 刺身，鍋物， 丼等等，最特別係有麒麟生啤同埋清酒。
基本上大部份食物都試過，冇令人失望。餐牌上刺身只有四種， 三文魚，吞拿魚，油甘魚同埋甜蝦，不過咁多次佢都只係提供三文魚同吞拿魚。
小食比較多選擇， 有章魚小丸子，韓式炸雞， 日式炸豆腐， 枝豆等等。
價錢方面，我哋食咗兩份 Rice Cracker， 二杯生啤，一杯特飲，韓式炸雞，章魚小丸子，炸蝦天婦羅，牛肉鍋，炒蕎麥麵，鰻魚卷， 埋單 £87。
整體來講味道拍得住香港日本餐廳，唔會太西化，值得推介。