做個精明消費者！
之前我哋做 Black Friday 專輯成日都講我哋真係有格價，究竟我哋點樣格價嘅呢？
以下我哋用一個我哋推介嘅背囊做例子，同大家講吓點樣網上格價！
Amazon 價格歷史比較
首先我哋見到 Amazon Eastpak Provider Backpack, 44 cm, 33 L, Blue 特價，原價 £73.82，49% Off， 現價 £38。 究竟係咪真係最平呢？咁佢平時係咪真係賣 £73.82 呢？ 定係特登抬價再減價吸引你買呢？
喺度為大家推介駱駝網站：camelcamelcamel.com
基本上佢係一路記錄住 Amazon 貨品嘅價格，同時又同其他零售商比較價錢。 大家只要搜尋你睇中嘅貨品， 佢就會顯示價格歷史，同埋第三方零售商嘅價格。
我哋輸入之前推介嘅背囊， 就得到以下結果：
留意有陣時你輸入太詳細名稱會出唔到產品，咁你就要調教下輸入嘅名稱，大包圍一啲搜尋。
出咗結果之後入去睇歷史價格：
上圖我哋好清楚睇到佢平時啲價錢都係£50 左右，Black Friday 減到 £37.7！ 事實證明 Black Friday 絕對有標高價錢， 不過減價之後都係比平時平！ 除咗顯示 Amazon 價錢之外，佢會顯示第三方零售商價格，不過呢個參考吓就算，因為我哋有另一個更加好嘅方法睇到其他地方會唔會賣得更加平。
Camel Camel Camel 瀏覽器插件
除咗直接去佢網站搜尋價格之外，佢亦都提供瀏覽器插件，更加方便，只要你安裝之後，正常去 Amazon 瀏覽，跟住撳下佢個插件，就可以check到價格歷史！ 十分好用。 支援瀏覽器包括 Chrome, Edge, Firfox, Opera 及 Safari。
其他零售商價格比較
英國有好多比較價格網站，但係最好用都係Google！ 佢顯示嘅價格基本上係最新， 同埋一次過顯示所有零售商網上標價。
只要你搜尋相關產品，就會出晒所有價錢，你撳吓購物嗰一欄， 會出到更加多詳細資料：
喺呢度你要小心啲睇睇，因為有時佢會出埋一啲其他款式嘅產品，所以要小心睇清楚。
用返個背囊做例子，冇一個地方係 Black Friday 平過 Amazon， 所以我哋推介呢個產品俾大家！
當然大家都可以用下其他熱門嘅價格比較網站，不過我哋試過價格唔係最新，而且產品亦都未係最齊，始終 Google 擁有強大嘅 bot，其他公司都幾難同佢鬥。以下為兩個比較熱門嘅格價網站，大家都可以自行參考吓。
希望以上嘅資訊能夠幫到大家！
嚟到英國想開創事業？自己做 Freelance？有嘢想同人分享？有嘢想推介或提下人唔好中伏？想搵香港人幫手？想睇吓一啲貼地嘅生活資訊？想搵食譜？想收到我哋最新資訊？想更加容易管理你嘅評語同埋書簽？ 歡迎註冊做獅子山廣場 Lion Rock Plaza 會員 ！自助互助！
如果你覺得我哋嘅資訊有用，可以幫忙撳吓廣告，以維持本站運作，謝謝。
