芒果布甸
喺Asda買咗59p@嘅芒果，買完返嚟放咗幾日，差不多熟晒後，就用咗2個芒果整咗4杯芒果布甸。
英國買嘅芒果，比本地人批評到一文不值，因為係過期日前，根本未熟，我哋第一次擺得唔夠耐，覺得難食到一個點。之後就冇理過期日子，總之要擺到佢熟晒，有香味，即刻提升左幾個層次！本來加埋芒果雪糕整會更加滑，可惜上網揾咗幾間超市，都無純芒果雪糕賣，所以唯有放棄！
做法：
- 將140g芒果肉、45g椰奶 (Coconut Milk)、260牛奶放入攪拌器攪拌，備用(如果有芒果雪糕，可以加入120g)。
2. 將砂糖75g+魚膠粉 (Gelatine Sachet) 15g拌勻，加入100g水，再拌勻。
3. 用中小火煮溶第二項的材料。
4. 煮溶後，倒入攪拌好的芒果混合物，然後倒入量杯再攪拌一次（這時會出現很多氣泡，可以用湯匙拂起。我今次忘記了，所以布甸面有很多氣泡
）。
5. 將切好了160g芒果肉倒入量杯內，再輕輕拌勻。
6.倒入你喜歡的器皿內，雪一晚就可以食， 記得要買三花淡奶！。
如果你覺得我哋嘅資訊有用，可以幫忙撳吓廣告，以維持本站運作，謝謝。
