倫敦交通，就咁買飛貴一倍！
倫敦搭地鐵千祈唔好去售票機買飛，因為貴一陪！獅子山廣場 Lion Rock Plaza 研究過，最平方法就係用 Oyster Card 或者 Contactless 信用卡， Apple Pay Google Pay 都可以。以 Zone 2 去 Zone 1 為例， 售票機買飛為£5.5，用 Oyster Card 或拍信用卡就 £2.5 (非繁忙時間) – £3.5 (繁忙時間)。價錢可以差好遠。一般 Oyster Card 可以就咁係車站售票機買，£5 按金加最少£10 增值額。(資料來源：https://tfl.gov.uk/)
除咗用 Oyster Card，用信用卡 Contactless 都可以， 兩者都設有每日封頂價格，如果用信用卡 Contactless 更加設有每星期封頂，比用 Oyster Card 更加抵，唯一唔好處就係冇小童或者長者優惠。現時 Oyster Card 或 Contactless 每日封頂由£7.4 至£19.3 不等，無論坐幾多都係。 以下為參考資料：(資料來源：https://city-guide.london/transport/oyster-cards.php)
小朋友票價
小朋友11歲以下係免費，坐巴士坐地鐵都係，如果坐地鐵要有成人陪伴。 如果就咁喺售票處買一張普通 Oyster Card 係冇小朋友票價的，因為 Oyster Card 冇分大人小朋友。如果已經到英國，可以幫小朋友申請有相片的 Zip Oyster Card，喺網上邊申請就可以。如果剛剛到倫敦，未申請得到 Zip Oyster photocard，可以係買左普通 Oyster Card 之後去售票處叫職員加返個 Young Visitor Discount，有效期為14天，期間會用小童票價收費。
小朋友 Zip Oyster photocard
基本上嚟到英國必定要為小朋友申請呢張咭，去倫敦搭車 10 分有用，票價只係成人嘅三份一至半價不等。Zip Oyster photocard 分三種，5-10，11-15，11-17，申請手續費為 £15。以下為申請網址：
https://tfl.gov.uk/fares/free-and-discounted-travel
如果小朋友非持有英國護照，需要親身去遊客中心領取，好可惜現時很多遊客中心都關閉，基本上暫時未能申請得到。
另外仲有一種係比18歲以上學生申請的 18+ Student Oyster photocar， 票價會平三份一， 但係要就讀喺倫敦嘅大學先至可以申請。
https://tfl.gov.uk/fares/free-and-discounted-travel/18…
當然，長者亦都有優惠， 60歲以上住喺倫敦裏面可以申請 60+ London Oyster photocar， 大部份公共交通工具係免費：
https://tfl.gov.uk/fares/free-and-discounted-travel/60…
以上討論嘅只係倫敦區域嘅巴士鐵路票價優惠。如果你係坐火車出入倫敦返工，最平應該係買月票或者年票。 以下的網址可以俾你計算年票月票價錢：
https://www.nationalrail.co.uk/times_fares…
英國公共交通系統比香港貴，大部份人選擇汽車代步，自己開車泊喺 London Zone 1 外圍停車場再轉地鐵係好多人嘅選擇。
想即時收到我哋最新資訊，或者留言，或者新增任何資訊，請立即註冊！
如果想分享我哋嘅文章去Facebook，Twitter 或者 Pinterest， 可以用下面 D 分享 icon。
歡迎轉貼獅子山廣場 Lion Rock Plaza 內容，但請註明出處及附上連結，謝謝！
如果你覺得我哋嘅資訊有用，可以幫忙撳吓廣告，以維持本站運作，謝謝。
