Toby Carvery 英國連鎖式烤肉店，於全英國有好多間分店，價錢唔貴，除咗肉只限攞 一次之外，其他配菜可以自助任食。除傳統烤肉 Cavery 之外，有提供早餐(任食 All you can eat!)，酒精飲品，甜品等。
Carvery 一般提供四種烤肉，火雞、火腿、豬肉、牛肉，每間分店可能有所不同，有某些分店可能提供羊肉。顧客需要自行到食物吧枱攞食物，廚師會根據你要求切肉俾你，你可以每種都要少少，亦可以只要一種肉，當然份量就由廚師決定，另外一定會有一個大 Yorkshire Pudding。 選擇肉之後可以自行選擇不同的配菜，通常係不同嘅薯仔同埋蔬菜。最後就係選擇燒汁及不同嘅調味料，例如芥辣茄汁等等。飲品方面亦有提供汽水無限添飲的選擇。
除咗 All you can eat carvery 之外，Toby 都有單點食物同埋有 Pub。
有冇幫襯過？不妨寫下食評！有冇好餐廳推介？不妨貼上嚟同大家分享吓！
– – –
想第一時間收到最新資訊？記得 like 同 follow 獅子山廣場 Facebook, IG, YouTube！
獅子山廣場係一個免費嘅平台。一個屬於英國香港同路人嘅平台！香港人自助互助！
免費張貼任何資訊，廣告，餐廳，二手買賣，樓宇出租等。立即註冊！
網上市集，零成本開舖，專人支援！自己開舖。我哋有日本零食，海味乾貨！
https://lionrockplaza.com/market
如果你覺得我哋嘅資訊有用，可以幫忙撳吓廣告，以維持本站運作，謝謝。
分類
特色
地區
價錢
影片
類似資訊
評語
寫評語
發佈留言
很抱歉，必須登入網站才能發佈留言。
獅子山廣場 特派專員
2022-05-20 在 1:42 下午平日去食 Toby，只係需要 £7.49， 可以叫晒咁多種肉，跟住配菜係任食， 真係同香港嘅兩餸飯有得揮， 當然不能夠對質素有太高期望，但係個人覺得絕對可以入口！早餐更加係超級平，提供嘅食品同去一啲連鎖式酒店嘅自助早餐冇分別！ 睇返網上評語，Toby 不同分店食品質素可能會有差別，去之前最好check吓你附近間分店嘅評語！ 烤肉餐肌肉質素一般，個人覺得最好食係牛肉，跟住到火腿，跟住到豬肉，基本上唔會揀火雞。反而配菜幾好味，選擇又多，連炸豬皮都有！
諗唔到食乜嘢，又想平平哋，又唔想食麥當勞肯德基，去呢間食係唔錯嘅選擇。