金田家喺倫敦市中心有三間分店，三間都係店舖細細，冇得訂座，只能排隊，座位有限，想食記得早啲去，如果唔係都要等。 喺 Google Maps 搵到有五間，但係有兩間係假的，千祈唔好去錯。
三間分店位置：
金田家喺日本九州屬於一流嘅水平，多次獲獎。 香港有幾間分店，評價都唔錯。係英國，我哋覺得佢嘅水準算係超班， 尤其係個湯底。
金田家提供多種拉麵，不過最經典當然係叉燒拉麵 (Chashu-men)， 大大塊肉，極之軟熟。
另一種就係豚肉拉麵 (Tonkotsu)， 雖然寫住係豬腩肉，但係比較細塊同埋硬身。
叫拉麵記得一定要加蛋，佢嘅蛋十分好味， 鍾意食辣嘅亦都可以加辣醬。
除咗拉麵之外有提供小食例如炸雞，枝豆，餃子，叉燒飯，飯團等等。金田家亦有酒精類飲品， 啤酒、清酒及梅酒等等都有。
去開倫敦市中心，絕對值得去食。
如果你都有幫襯過，可以喺下邊留言，比下星星，你嘅意見一定會幫到香港人！你附近有冇好餐廳推介？ 十分歡迎你放上來，大家一齊傾吓講吓！
想收到我哋最新資訊？有嘢想刊登？想更加容易管理你嘅評語同埋書簽？歡迎註冊做我哋會員，完全免費！
如果你覺得我哋嘅資訊有用，可以幫忙撳吓廣告，以維持本站運作，謝謝。
圖片來自官方 Facebook。
分類
特色
地區
影片
類似資訊
評語
寫評語
發佈留言
很抱歉，必須登入網站才能發佈留言。
獅子山廣場 特派專員
2021-10-31 在 3:55 下午尋覓好食嘅拉麵，去開倫敦，值得去金田家！反而喺香港未幫襯過。
大約六點三去到 Convent Garden 分店，冇得訂位，用 QR Code 排隊，登記咗之後可以再去行陣街，到你嘅時候會經電話SMS 通知你， 有十分鐘時間返去。 今次等咗大約一個鐘頭15分鐘先至有位。
叫咗最受歡迎嘅叉燒拉麵同埋豚肉拉麵。叉燒拉麵好過豚肉拉麵，叉燒好大塊，好入味，豚肉拉麵雖然用豬腩肉，但係比較硬身同細塊。
另外叫咗餃子同枝豆，兩樣都好味， 尤其是餃子，餃子皮夠薄，軟身，餡料肉質豐富夠熱！
試咗幾間拉麵，金田家暫時喺英國食過最好嘅拉麵。湯底係拉麵嘅靈魂，佢嘅湯底同食開香港嘅豚王差唔多，又香又濃郁。 拉麵軟硬度可以選擇， 拉麵幼身彈牙。