B&Q， 佢嘅網址係 diy.com – 咁大家都應該想像到究竟佢係賣乜嘢。總之有關你屋企嘅任何設備都有機會喺嗰度買到。
佢就等於香港嘅新填地街裝修舖頭一樣，水喉電器，地板瓷磚，木材石材，花園設施，應有盡有。 我哋都幫襯左唔少。
由於英國人工貴，所以好多人家居維修都會自己搞掂，你喺呢間舖頭可以買到晒你所需嘅材料同埋工具，當然佢亦都有一啲特別服務例如設計廚房廁所。 基本上每次去親呢間舖頭都係好多人， 因為好多裝修工人都會直接喺嗰度買料。 我哋亦都試過喺嗰度買木材，佢仲可以免費幫你開料， 唔使自己返去鋸餐死。
啱啱嚟到英國，如果你租屋時好多時冇傢俬，如果買一啲要自己組裝嘅傢俬，我哋建議第一時間去呢間舖頭買套電批先， 真係慳唔少力同慳唔少時間！
另外佢嘅 YouTube Channel 都好值得睇吓，因為裏面有好多教學影片，好似下面嗰個影片就靠你自己鋪花園。
發佈留言
很抱歉，必須登入網站才能發佈留言。