The Real Greek 係英國有21間分店，主要集中係英格蘭，最北嘅分店位於曼徹斯特。 佢哋標榜食材由希臘及地中海東部而來。大部份店舖裝修都係藍白色為主，好有希臘風格。 價錢方面都係走大眾化路線， 一般午餐都只係£8.5（不包括飲品），八道菜兩人套餐都只係 £36。 要留意佢哋服務費收取12.5%。
店內供應常見嘅希臘食品，例如橄欖，卷餅，希臘沙律，燒烤等等。 當然傳統希臘嘅醬料例如 Houmous, Spicy Feta Dip, Taramasalta 等等一應俱全！ 佢哋提供嘅菜式都比較有特色，唔係一般西式餐廳能夠食得到。 另外佢亦都對素食人士非常體貼， 提供極多素食選擇，而且清楚列明。
The Real Greek 亦都設有網上商店，售賣希臘食品例如橄欖油，橄欖， 蜜糖，芝士，乳酪等等。
如果你都有幫襯過，可以喺下邊留言，比下星星，你嘅意見一定會幫到香港人！你附近有冇好餐廳推介？ 十分歡迎你放上來，大家一齊傾吓講吓！
嚟到英國想開創事業？自己做 Freelance？有嘢想同人分享？有嘢想推介或提下人唔好中伏？想搵香港人幫手？想睇吓一啲貼地嘅生活資訊？想搵食譜？想收到我哋最新資訊？想更加容易管理你嘅評語同埋書簽？ 歡迎註冊做獅子山廣場 Lion Rock Plaza 會員 ！自助互助！
如果你覺得我哋嘅資訊有用，可以幫忙撳吓廣告，以維持本站運作，謝謝。
圖片來自官方 Facebook。
Categories
Features
Regions
Location
Similar Listings
Review (1)
Add Review
Leave a Reply
You must be logged in to post a comment.
Hosted by Lion Rock
獅子山廣場
獅子山廣場 特派專員
2021-12-09 at 10:11 pm疫情嚴峻，出唔到國去旅行，都可以享受下外國地道美食。The Real Greek 希臘餐廳提供地道希臘食品，價錢亦都合理。
今日去食咗午餐，叫咗 Greek Trio， 十分抵食，只需要 £8.5， 上菜用一個三層高嘅架，每樣菜一層，好特別。
前菜希臘 Flat Bread， 配上鹰嘴豆泥 (HOUMOUS) 及 SPICY FETA DIP，由餐廳自行調配，香濃而不膩，不會過鹹。
主菜選擇左香腸及炭燒雞肉。香腸肉質彈牙，可惜個人感覺太鹹。 雞肉陣陣炭燒香味，不會太乾，好食！ 配菜有薯條及薯仔，薯仔 (New Potato) 用橄欖油及香草焗制，香滑， 入口即溶。薯條外脆內軟。
下次一定要試吓佢嘅8道菜套餐，兩個人可以試到16樣嘢！
英國已經唔係二三十年前嘅美食沙漠，多咗好多特色餐廳，有機會大家都可以試吓！