中國超市？榮業行會否請不識,講英語的香港人,又或者攞攤檔租金價錢如何？在這附近租屋方便嗎？價錢？

去完 castle donington 做完正事，見近就去 1998 到食晏。一個只係叫咗滑蛋豬同凍茶走甜。滑蛋豬好味道，就係啲洋蔥好似差一口氣。凍茶就～花奶太重手～稍稍遮咗茶香，講返後店主已經話沖過杯俾我～我就話算啦～都沖咗啦，倒就浪費晒～但單憑個滑蛋豬，下次一定再嚟食

平日去食 Toby，只係需要 £7.49， 可以叫晒咁多種肉，跟住配菜係任食， 真係同香港嘅兩餸飯有得揮， 當然不能夠對質素有太高期望，但係個人覺得絕對可以入口！早餐更加係超級平，提供嘅食品同去一啲連鎖式酒店嘅自助早餐冇分別！ 睇返網上評語，Toby 不同分店食品質素可能會有差別，去之前最好check吓你附近間分店嘅評語！ 烤肉餐肌肉質素一般，個人覺得最好食係牛肉，跟住到火腿，跟住到豬肉，基本上唔會揀火雞。反而配菜幾好味，選擇又多，連炸豬皮都有！

諗唔到食乜嘢，又想平平哋，又唔想食麥當勞肯德基，去呢間食係唔錯嘅選擇。

最想試係蠔餅！記得要訂位。平日去都好多人。睇見餐牌樣樣都想食，最後試咗以下食品：

凍奶茶： 茶味夠濃，奶唔夠滑。 可能因為係凍人，熱奶茶應該好啲。
紅豆冰：呢個同香港飲開嘅相似， 紅豆唔會林啤啤。
熱 Horlick： 純粹飲嗰份情懷。

鰻魚飯： 鰻魚汁調校得好，鰻魚都算大條，飯係日式米。
清湯牛腩河： 牛腩煮得好好，唔會太淋，湯底有進步空間， 河粉係幼身嗰隻，都幾滑。
麻辣米線：呢個幾有驚喜， 鍾意食麻辣嘅朋友應該會好開心，配料都幾多。
蠔餅：呢個真係要試， 口味同香港嘅十分接近，個人覺得加多少少蛋會更加好，蠔仔份量足夠，不會太腥。

去倫敦市中心，又鍾意食日本嘢，去 Japan Centre 食壽司刺身係一個價錢合理質素高嘅選擇。位於 Lecister Square 附近嘅 Japan Centre 嘅刺身壽司存貨及供應感覺上比 Westfiled 嘅多好多，應該同人流有關係，始終都係倫敦市中心，人流眾多。

係英國想食刺身通常都係網上訂購，感覺上 Japan Centre 嘅刺身新鮮啲，當然選擇一定唔夠香港多。 價錢亦都十分合理，一盒八款刺身只需要 £16 鎊。除咗壽司刺身之外，佢仲有好多日本食品，例如咖喱飯，拉麵，天婦羅烏冬等等。 當然話得係超級市場，呢邊嘅日本雜貨好齊全。

八款刺身 £16 - 非常新鮮，種類亦算多。
天婦羅烏冬 £10.95 - 天婦羅大隻，可惜係預先炸好，唔夠熱。烏冬質感唔錯，似係食開嘅日本烏冬。
壽司拼盤 £11.95 - 九件壽司，新鮮好味。
吞拿魚卷 £4.75 - 紫菜淋左 D，吞拿魚好味，壽司飯亦好好。
腐皮壽司 £4.75 - 腐皮做得好好味，裏面啲飯亦好好。
咖喱烏冬 £10.95 - 日式咖喱，下次應該要加餸，比較抵食。
每日精選壽司拼盤 £12.95 - 5件壽司， 6件卷物，3件加州卷， 呢個超值，仲有沙律。