金龍軒有兩間分店，唐人街及 Colindale。餐牌係繁體字，侍應生講廣東話，網上資料係由香港人創辦，所以食物同香港嘅酒樓接近。 兩間餐廳分別：Colindale 有免費泊車，有火鍋食，多啲嘢食，食物價錢比較過應該一樣。
金龍軒主要提供粵式點心小菜，蝦餃，燒賣，腸粉， 燒味，片皮鴨，炒粉麵飯，一應俱全。
特別菜式：麻辣豬耳仔，滷水拼盤，北菇扒鵝掌，啫啫白鱔煲， 鹹魚肉餅飯，芋角…
以下為官方餐牌，價錢應該唔係最新，不過可以睇到所有食物種類：
如果你都有幫襯過，可以喺下邊留言，比下星星，你嘅意見一定會幫到香港人！你附近有冇好餐廳推介？ 十分歡迎你放上來，大家一齊傾吓講吓！
嚟到英國想開創事業？自己做 Freelance？有嘢想同人分享？有嘢想推介或提下人唔好中伏？想搵香港人幫手？想睇吓一啲貼地嘅生活資訊？想搵食譜？想收到我哋最新資訊？想更加容易管理你嘅評語同埋書簽？ 歡迎註冊做獅子山廣場 Lion Rock Plaza 會員 ！自助互助！
如果你覺得我哋嘅資訊有用，可以幫忙撳吓廣告，以維持本站運作，謝謝。
圖片來自官方 Twitter。
Categories
Features
Regions
Video
Location
Similar Listings
Review (1)
Add Review
Leave a Reply
You must be logged in to post a comment.
獅子山廣場 特派專員
2021-12-10 at 10:33 am上次試過 Croydon 榮業行嗰間大同酒樓，麻麻哋。 今次去倫敦北面嘅金龍軒，貪佢免費泊車，唔使入倫敦市中心，飲完茶可以直接再揸車去榮業行，十幾分鐘就到。
星期日去，比平時早1小時開門， 11 點就開，我哋去到剛剛開門，直入唔使等位，齊人先可以入去。如果你遲啲去通常都要排隊。餐廳環境算唔錯，座位寬闊，枱同枱之間有適當距離。侍應生開茶落單都係講廣東話。餐具衛生情況滿意。
比起之前試嗰間大同大酒樓，呢間質素明顯好好多，佢隸屬於皇朝集團，即係可以喺中超買到嘅皇朝點心同一間集團，平時都覺得佢質素唔錯，喺酒樓食當然更加好。今次淨係試咗點心，試咗好多款，全部都好有水準好新鮮！腸粉夠滑，炸點唔會太燶。埋單價錢合理，絕對可以一試！