Halfords 係一間英國嘅汽車用品同埋單車連鎖店舖。 係英國揸車係好多人嘅必需品，另外亦都有好多人踩單車。 Halfords 應該係英國最大嘅汽車用品同埋單車連鎖店。 如果你喺香港有揸開車，應該一定去過旺角黑布街附近汽車用品店，呢間就係類似嘅舖頭。 基本上裏面嘅配件，由清潔到維修，應有盡有，價錢亦都合理。 除咗汽車用品之外佢哋都提供簡單嘅維修服務，例如換電換水撥等等。
Halfords 另外一個主要業務範圍就係買單車同埋單車零件，裏面有傳統單車之外，有電動單車，亦都有電動滑板車。 你亦都可以選擇零件自己砌部單車出嚟。
Halfords 最好嘅地方就係你即刻可以買到你想要嘅嘢，雖然有陣時 Amazon 可能會平少少，但係點都要等佢送貨，急起上嚟呢間舖頭應該幫到手！
以上圖片取自官方網頁。
Leave a Reply
You must be logged in to post a comment.