我之前在廚房區域和他們一起工作了很短的時間，我對他們的衛生水平感到非常失望。 它沒有達到衛生標準水平，他們的蛋糕只是在展示時看起來不錯.....但是在沒有任何保護的情況下放在冰箱裡 (沒有保鮮膜紙) ，雖然蛋糕在托盤上，但是他們將蛋糕放在地上堆積到頂部亦沒有任何保護，和生肉也在蛋糕旁邊一起!

尋覓好食嘅拉麵，去開倫敦，值得去金田家！反而喺香港未幫襯過。

大約六點三去到 Convent Garden 分店，冇得訂位，用 QR Code 排隊，登記咗之後可以再去行陣街，到你嘅時候會經電話SMS 通知你， 有十分鐘時間返去。 今次等咗大約一個鐘頭15分鐘先至有位。

叫咗最受歡迎嘅叉燒拉麵同埋豚肉拉麵。叉燒拉麵好過豚肉拉麵，叉燒好大塊，好入味，豚肉拉麵雖然用豬腩肉，但係比較硬身同細塊。

另外叫咗餃子同枝豆，兩樣都好味， 尤其是餃子，餃子皮夠薄，軟身，餡料肉質豐富夠熱！

試咗幾間拉麵，金田家暫時喺英國食過最好嘅拉麵。湯底係拉麵嘅靈魂，佢嘅湯底同食開香港嘅豚王差唔多，又香又濃郁。 拉麵軟硬度可以選擇， 拉麵幼身彈牙。

我覺得佢最全面，有魚，有肉，樣樣齊，同擺得整齊
有時魚£10/3pack,
靚牛扒£7/2pack

每次去Morrison’s 都可以執齊，肉魚菜，同等價錢呢間算買得多，圖中約買了£45

周圍都有分店嘅越南河粉 Pho，可以一試，但係同香港比差好遠。

牛腩河粉 - 牛腩煮到好似煲湯瘦肉...
辣雞肉河粉 - 英國啲雞一向好嫩滑，除咗呢度啲雞之外...
春卷 - 呢個算係正常。

河粉太硬，湯底唔錯，似番越南風味，Hot and Spicy 湯底係冬陰功味，配菜有芽菜，香葉，青檸，辣椒仔。佢係另外一碟俾你，自己落。 整體來講試一次就夠。

倫敦十分多好嘅日本餐廳，今日去行街順便食壽司。

Sushi Atelier 出名啲魚新鮮，見到好評唔錯，去食個 Lunch。 我哋四個人叫咗四個 Lunch。 前菜係沙律同麵豉湯，麵豉湯可以 refill，不過我覺得麵豉湯比較鹹咗啲。

Atelier Bento 魚生壽司帶子，十分新鮮，尤其是帶子煎到好香！

Iberico Teriyaki Don 呢個實在係驚喜，用 iberico 豬肉，非常軟熟同埋入味，加上菇，同埋日本米白飯，實在好食！

Mixed Sushi Set 呢個普普通通，係成日喺超級市場見到嘅款式，但係當然用了比超級市場好好多！加州卷裏面係蟹肉。

9 Kind Sashimi Set 有吞拿魚，三文魚，蝦，油甘魚，青魚，帶子同埋不知名白身魚。 魚生處理得好好，乾身， 新鮮，唔會係雪藏啱啱解凍嗰啲。

甜品額外加錢，但係好味，雪芭同布甸都好好味！ 四個人午飯埋單大約£150磅包埋飲品。推介！