Go Outdoors 係英國大型連鎖戶外用品店，貨品選擇眾多，有多間分店，亦都可以網上購買。
基本上你諗到嘅戶外活動產品佢都有，單車，露營，行山，騎馬等等。比較之下 Go Outdoors 貨品經常有特價，實體店仲有特價專區。分店一般面積好大好好行，鍾意戶外活動嘅朋友一定要去行吓。唔係成日進行戶外活動嘅朋友更加要去行吓，可能係英國你會感受到戶外活動嘅樂趣。
幫襯呢間舖頭一定要申請佢嘅會員卡，一年 £5， 絕對值得比，因為佢會員價錢會比一般價錢平好多，一定慳到超過£5。 我哋好多成員都幫襯呢間買防水褸，防水鞋，氣墊床等等，有平有貴。 一件三合一 Gore Tex 防水褸百幾鎊就買得到。佢仲有啲十幾鎊嘅水鞋，平時落雨去花園著就啱晒。
除咗網上申請，會員卡可以去店舖度申請，即時有。
網上商店買滿 £70 免費送貨。
如果你都有幫襯過，可以喺下邊留言，比下星星，你嘅意見一定會幫到香港人！
想收到我哋最新資訊？有嘢想刊登？想更加容易管理你嘅評語同埋書簽？歡迎註冊做我哋會員，完全免費！
圖片來自官方 Facebook。
發佈留言
很抱歉，必須登入網站才能發佈留言。